عجب عجااااااااااااااب

عــجــبٌ عُجاب.....يحلف بصدقه ويطلع نصاب !!
عــجــبٌ عُجاب.....تروح السوق تشوف بلاوي مخصرة وهباب!!
عــجــبٌ عُجاب.....تـلقى فساتين مخصرة مفصله ويسمونها عباية أوجلباب!!
عــجــبٌ عُجاب.....تـلقى عيال وبنات مسلمين وماتلقى بينهم حاجزأوحجاب!!
عــجــبٌ عُجاب.....أراهنكم كلكم أن ما قالوا لكم باكر .عباية بنطلون بفتحة وسحّاب !!
عــجــبٌ عُجاب......عنده أخت وأخوات وتلقاه يغازل في السوق حتى لو عند الباب!!
عــجــبٌ عُجاب.....تسوي فيهم خير لأنهم أصحاب وهم خلفك يقولون عليك ولد كلب ونصاب!!
عــجــبٌ عُجاب.....الناس تصلي وهم بالسيارة يدورون حول المسجد كأنهم مالقوا الباب!
عــجــبٌ عُجاب .... أن يولد للنسر .. غراب
عــجــبٌ عُجاب .... ان يصبح القط والفأر .. أحباب
عــجــبٌ عُجاب .... ان تنسى يامغرور انك مخلوق من .. تراب ... ياتراب
عــجــبٌ عُجاب .... أن تموت الأسود في الغابات جوعاً .. ولحم الضأن تأكله الكلاب
عــجــبٌ عُجاب .. من يأتيهم مطرٌ ..... بلا سحاب !!!
عــجــبٌ عُجاب....دين ربي منتشر...وتلقى فينا ابو جهل او مسيلمه الكذاب


عــجــبٌ عُجاب...... إنك تشوف موظفة على قد حالها تحب واحد من الشباب فتقوم تدفع فواتير تلفونه وتشتري له الهدايا ((عادة آخر تلفون ينزل في السوق)) ومع ذلك تكون النهاية إن الشاب الوفي يخليها ويروح يتزوج وحدة ثانية يصرف عليها دم قلبه!!




عــجــبٌ عُجاب...... إنك تشوف حرمة كبيرة في السن والكحل من الإذن للإذن والروج ((فاقع)) والعطر ((مخلط كمبودي)) والمشية والمصيبة إن الملف في المستشفى يثبت إنها مصابة بالضغط والسكري وتصلب الشرايين ولين العظام وإلتهاب المفاصل!!



عــجــبٌ عُجاب......إنك تشوف واحد من الشباب يرجع من أمريكا يشغلونه مدير قسم في كبريات الشركات مع إمتيازات ما يحلم بها رئيس أي دولة ثانية في العالم وواحد ثاني يدرس في جامعة بلاده يخيس و يعفن في البيت وآخرتها ما يشتغل إلا بعد ما يمسحون بكرامته الأرض!! :احتج:



عــجــبٌ عُجاب...... إنك تشوف أم خليجية متعلمة وواضح إنها مثقفة جالسة مع زوجها وعيالها في كنتاكي وتتكلم في التلفون بلهجه خليجية بحته ومن جهة ثانية تكلم عيالها ورجلها بلغة إنجليزية أمريكية بليغة!!



عــجــبٌ عُجاب...... إنك تجوف وقت أذان المغرب كل الناس رايحين المسجد ماعدا إثنين قاعدين عند باب المسجد طق سوالف وضحك لاحيا ولا دين!!



عــجــبٌ عُجاب...... إنك تشوف الدنيا كلها تقوم ولا تقعد لأن المسلمين يذبحون الخرفان والبقر في عيد الأضحى ((يضحون يعني )) بينما الكل يسكت لين يرتكب الهندوس واليهود أكبر المذابح ضد المسلمين وعلى مدار العام!!



عــجــبٌ عُجاب...... إنك تشوف شرطي يعطي مخالفة لأحد سواقين التكاسي لأنه وقف في الممنوع بينما توقف قدام هالتاكسي مرسيدس أخر موديل (( فياغرا )) وموقف ممنووووع ومحد يكلم سايقها!!



عــجــبٌ عُجاب......إنك تشوف شباب يتمشون في محل مايبيع إلا الملابس النسائية الداخلية والحريم متوهقة ماهي عارفة شلون تتسوق!!



عــجــبٌ عُجاب...... إنك تشوف البنية تبي تتحجب والأم تقول لها : لاتفغصين روحك وتدمرين شبابك بالحجاب توك صغيرة ومحد بياخذك ولا يواخذك!!



عــجــبٌ عُجاب...... إنك تشوف أحد الدكاترة المثقفين والمتخصصين في التربية يطيح في ولده ((بقوس + دوس في البطن + ترفيس + كفوف + تلشط بلي (( الهوز )) أو العقال أحياناً)) ومع ذلك يلقي محاضرات في فن وإستراتيجية تعامل الآباء مع الأبناء!!



عــجــبٌ عُجاب...... إنك تشوف حرمة تعرف إن رجلها عليه أقساط الزواج الميمون وأقساط السيارة وأقساط الأثاث وأجار البيت ومصاريف الماء والكهرباء وفواتير التلفونات وأغراض البيت ومصاريف العلاج ومعاش الخدامة و و و و و .. ومع ذلك تبي تشتري شنطة من جيفنشي بألف و خمسمية ريال أو أكثر!!



عــجــبٌ عُجاب...... إنك تشوف فيلا ((ثلاث أدوار طول بعرض )) يعيش فيها رجال وحرمته وولدهم ومعاهم خدامتين وسايق وحارس وطباخ!!



يالله عليكم .. هالدنيا عجييييييبه ام لا!!!؟؟؟؟؟

عيد سعيد وكل عام وانتى بخير





أهديك حب أنتٍ أغلى أهديك ورد أنتٍ أحلى بهديك عمري و ياريت يسوى

احترت و الله شوه أهديك ما لقيت إلا أحلى من كلمة الله يحفظك.

كل سنــــــــه وإنته بخير وعيد ميلادك سعيد
كل سنه وإنته يا غـــــــــالي أجمل أيام العمر

كل سنه وحبك في قلبي يا بعد عمـــري يزيد
كل سنه وإنته رفيقي وصاحبي وأغلى البشر

ليش تسألني وتدري إنه الجــواب عندي أكيد
يعني معقـــــــــوله أنا أنسى يوم ميلاد القمر

حافظ التــــــــاريخ والله مهما كنت عنك بعيد
مستحيل أنساه لــــو ينسى النحل ريح الزهر

إيش أقـــــــــــــدم لك هديه ما يوفيك القصيد
إنته أغلى من هدايا الكـــــــــون يا أحلى قدر

ودي لو أهديك روحــــــي والا قلبي والوريد
كل مــــــــا تطلب حلالك لو طلبت حتى النظر

الهديه ماهي الا رمز والرمز مـــــــــــــا يفيد
لا تظن إني بوافــــــــق أشتري غرشت عطر

يا عطر عمري وحياتي يا قديمي والجــــــديد
هاك خذ عمري هديه والله يفــــــــــداك العمر

المهم تكــــــــــــون راضي وغير هذا ما أريد
ما أريد الا أشــــــــــوفك نجمة في عز الظهر

وما أبي غيري يشـــوفك خلني في قلبك وحيد
لا تظن في حــــــــــد غيري يحبك إنته هالكثر

بحتفل فيك وبغني وبكتب أشعــــــــار وقصيد
الله يالأيام تمشي كنها فـــــــــــــي لحضه تمر

إنطفت عشرين شمعه يالله عقبــــــــال المزيد
ما أصدق هذا إنته طفل ٍ بســــــــــــرعه كبر

الله يخليك لأهلك يا عسى عمــــــــــــرك مديد
وتبقى لي يارب يارب قـــدوة وإعجاب وذخر

وأحيا قربك طول عمري وأبقى في ظلك سعيد
وتبقى إنته في حيــــــــــاتي أجمل أيام العمر

كل سنه وإنته بخير وعيــــــــد ميلادك سعيد
كل سنه وإنته رفيقي وصاحبي وأغلى البشر

بحتفل في عيد ميلادك .....و للاسف بحيه من دونك
المهم ابقى ع ميعادك ....... وحفظ التاريخ واصونك
الله يهنيك بأعيادك ......وفي غيابي تمرح عيونك
الله يحقق لك مرادك........ وين ما تمشي ع كونك